ब्रेकिंग

घर जळालेल्यांना गृहउपयोगी साहित्याचे वाटप

Wrutuja pandharpure
26 Apr 2025

खराडी : चंदननगर येथील डॉ. बाबासाहेब आंबेडकर वसाहतमध्ये कष्टकरी मोठ्या संख्येने राहतात. येथे बुधवार पहाटे झोपडपट्टीला आग लागली. या आगीत डोळ्यासमोर गृहपयोगी वस्तू जळल्या. अशा कुटूंबीयांना मदत करण्यासाठी काही दिवसापूर्वी शिवसेना एकनाथ शिंदे पक्षात प्रवेश केलेल्या आंनद गोयल यांनी पुढाकार घेत गृहउपयोगी साहित्याचे वाटप केले.

डॉ. बाबासाहेब आंबेडकर वसाहती लागलेल्या आगीत घरातील प्रत्येक वस्तू जळाल्या. यासाठी शिवसेनेच्या वतीने वापरासाठी लागणारे साहित्य बकेट, मग, चटई, बेडशीट, कपड्याची पावडर, टूथ पेस्ट, आणि बिस्कीटाचे वाटप करण्यात आले. दरम्यान नाना भानगिरे म्हणाले, ज्या ९० घरांचे नुकसान झाले आहे. त्यांना पुन्हा निवारा बांधून देण्यासाठी उपमुख्यमंत्री एकनाथ शिंदे यांच्याशी चर्चा करण्यात येईल. प्रत्येक कुटुंबाचे पुनर्वसन करण्यासाठी प्रयत्न करणार आहे.

यावेळी शिवसेना (एकनाथ शिंदे पक्ष) शहर प्रमुख नाना भानगिरे, चंदननगर वरिष्ठ निरीक्षक सीमा ठाकणे, शहर उपप्रमुख सुनील जाधव, निवृत्त वरिष्ठ निरीक्षक विलास सोंडे, मनोज अग्रवाल, करण अग्रवाल, राजेश अग्रवल, रवी आग्रवाल, बाळा विश्वासराव, महेंद्र गायकवाड, गौतम वडवराव, विकी राऊळ, प्रदीप जाधव, शरद निकम, मनोहर जाधव उपस्थित होते.